रोयल इनफिल्ड बुटवलको आधिकारिक बिक्रेता ‘गैरे प्रतिष्ठान प्रालि’ ले रोयल एनफिल्डको नयाँ स्क्यार्म ४४० को नया बाइक बुटवलमा लन्च गरेको छ । पहिला ४११ स्क्यार्म मोडलको (५,५५,०००) को बाइक बजारमा ल्याएको रोयल एनफिल्डले त्यस भन्दा अझै बिकसित एड्भेन्चर क्रसओभरको रूपमा निर्माण गरिएको स्क्र्याम ४४० को बाइक शहरका सडकमा आवश्यक चुस्त गतिशीलता र वास्तविक अफ–रोड क्षमताको रहेको प्रतिष्ठानका प्रबन्ध सञ्चालक प्रवेश गैरेले बताएका छन् ।
बिज्ञापन
मजबुत एलएस ४४० इन्जिनद्वारा सञ्चालित यो मोटरसाइकल २५.४ बीएचपी पावर र ३४ एनएम टर्क उत्पादन गर्ने पनि उनले बताए । रोयल एनफिल्ड स्क्र्याम ४४० दुई वटा भेरियन्टमा उपलब्ध हुनेछ । ट्रेल भेरियन्ट जसमा परम्परागत स्पोक व्हील र ट्यूब टायर छन्, ट्रेल ब्लू र ट्रेल ग्रीन कलरमा उपलब्ध हुनेछ । फोर्स भेरियन्ट जसले शहर केन्द्रित सवारीलाई सहज बनाउँछ, फोर्स ब्लू, फोर्स ग्रे र फोर्स टील कलरमा आधुनिक एलोय व्हील र ट्यूबलेस टायरसहित उपलब्ध हुनेछ । यसको मुल्य रु ६,८९,९०० देखि रु ६९९,९०० सम्म रहेको प्रतिष्ठानले जनाएको छ । मध्यम आकारको मोटरसाइकल (३५० सीसी–६५० सीसी) क्षमताका बाइक उत्पादनमा विश्वव्यापी रूपमा अग्रणी रोयल एनफिल्डले क्लासिक ४४० स्क्र्याम मोडल नेपालमा सार्वजनिक गरेको हो । कम्पीनका प्रमुख वाणिज्य अधिकृत यदविन्दर सिंह गुलेरियाले नेपाली बजार हाम्रा लागि सधैँ विशेष रहँदै आएको बताएका छन् ।
बिज्ञापन
नेपाली बजारमा पनि त्यस प्रकारको प्रभाव रहेको गैरे प्रतिष्ठान प्राली बुटवलका अध्यक्ष प्रेम राज गैरेले बताएका छन् । रोयल एनफिल्ड, ईचर मोटर्स लिमिटेडको एक सहायक कम्पनी हो, जसका हाल ६० भन्दा बढी देशमा करिब ८५० र भारतभर २००० भन्दा बढी स्टोरहरू छन् । कम्पनीका अत्याधुनिक प्रविधि केन्द्रहरू युकेको ब्रन्टिङथोरप र भारतको चेन्नईमा अवस्थित छन्, र असेम्ब्ली प्लान्टहरू बंगलादेश, नेपाल, ब्राजिल, थाइल्यान्ड, अर्जेन्टिना र कोलम्बियामा सञ्चालनमा छन् । गैरे प्रतिष्ठान प्रालिले क्लासिक ३५० रोयल इलफर्ड हिमालयन स्क्रयाम ४११ मोडलको मोटरसाइकल यस भन्दा पहिलेनै बुटवलमा लन्च गरेको गरि सकेको छ ।
बिज्ञापन
